သင်္ခါရကို မျိုချနေရသော နေ့စွဲများ

ခုတလော ကျုပ်ရင်ထဲမှာ ပိုးတစ်မျိုးထနေတယ်။ တခြားဟုတ်ရိုးလားဗျာ။ အိမ်ရှေ့က အသစ်စက်စက် အုတ်တိုက်လေးကို ကြည့်ပြီး အိမ်အသစ် ဆောက်ချင်တဲ့ ပိုးပေါ့။ဟိုတုန်းက ကျုပ်အိမ်ကို စုတ်တယ် ချာတယ်.ပြောကြတုန်းက ကျုပ် သိပ်အရေးလုပ်ခဲ့တာ မဟုတ်ဘူး။ ကျုပ်က ကြယ်မြင်လမြင် လောကဓံကိုပဲ ဖက်တွယ်ပြီး နေခဲ့တာ။ ဒီတုန်းကလည်း အိမ်ရှေ့မှာက အခုရှိနေတဲ့ တိုက်သစ်လေး မရှိသေးဘူး။ မြေကွက်လပ်ကြီးပဲ ရှိတာ။ ပြီးခဲ့တဲ့ နှစ်လ လောက်ကမှ အုတ်တွေ သဲတွေ လာချ ။ မြက်ရိုင်းတွေ ရှင်းပြီး လုပ်သွားလိုက်တာ အခုလို တိုက်လေး ဖြစ်လာတာပဲ။  အခုတော့ ရှေ့က တိုက်သစ်လေးကို ကြည့်ပြီး ကျုပ်ရင်ထဲမှာ ကလိ ကလိ ဖြစ်နေတယ်။ ဖြစ်ဆို ကျုပ်မှာကလည်း လုံလောက်တဲ့ အကြောင်းက ရှိနေတာကိုး။

ကြယ်တွေစုံတဲ့ ကောင်းကင်

 မခမ်းမနား ၊ မဆန်းပြားလည်း
စွမ်းအားပြည့်စုံ ၊ မွှေးနံထုံသည်
လက်ဆုံခင်းသည့်  ထမင်းဝိုင်း ။

 အွန်လိုင်းပေါ်တွင် သူငယ်ချင်း တစ်ယောက် တင်ထားသော ကဗျာလေးကို ဖတ်အပြီး သူမရင်ထဲ သိမ့်သိမ့်လေး လှုပ်ရှားသွားသည် ။ နေ့တစ်နေ့တာတွင် သူမအတွက် အပူလောင်ဆုံး အချိန်သည် မနက်ခင်းဖြစ်ပြီး အအေးမြဆုံး အချိန်သည် ဆည်းဆာရီ တစ်ခုသာ ဖြစ်သည် ။
မနက်ခင်းဆိုလျှင် အဖေနဲ့ အမေတို့က အိမ်ကနေ ထွက်ပြီး ရုံးသို့ သွားသည်။ တစ်နေ့လုံး အိမ်ထဲမှာ သူမ တစ်ယောက်သာ ရှိသည်မို့ မနက်ခင်းကို သူမ မုန်းသည် ။ ညနေခင်းကိုတော့ချစ်သည် ။ တိမ်အလွှာတွေက ဇာပ၀ါကွန့်သလို အတွန့် အတွန့်တွေက တစ်မျိုး ၊ ဟိုးးးးးအထက်သို့ ထောင်တက်နေသည်က တစ်ဖုံ ၊ ငိုရဖန်များ၍ နီရဲ မို့အစ်နေသော မျက်လုံး ပုံစံကဲ့သို့ နေမင်းကြီး ၊ ဆိုင်ရာ ဆိုင်ရာ ဌာနေသို့ ပြန်နေသော ငှက်အုပ်များ ။ ဒီမြင်ကွင်းတွေက ဆည်းဆာရဲ့ အလှတွေပင်ဖြစ်သည်။ ဒီအလှတွေကို အနားကွပ်ပေးတာကတော့ သူမရဲ့ မိဘနှစ်ပါး အိမ်အပြန်ခရီးဖြစ်သည် ။ သူမသည် မိသားစုကို တွယ်တာသည် ။ သူမတို့ မိသားစုမှာ.ကဗျာလေးထဲကလို လက်ဆုံခင်းသည့် ထမင်းဝိုင်း မဖြစ်တာ အတော်ပင် ကြာခဲ့လေပြီ..။

နှင်းဆွတ်ဆွတ်လမ်း

                                         ( ၁ )

နှင်း..ကျနေသည်။ ဖြူဖြူဆွတ်ဆွတ် ဇာပ၀ါ လွှမ်းသိုင်းလို့ နှင်းမှုံတို့ ဆိုင်းနေသည်။ လမ်းကလေးပေါ်မှာရော ၊ ရွက်ကြွေတချို့ပေါ်မှာရော နှင်းကျနေသည်။ ကျွန်တော်တို့ရောက်နေသည်က အိမ်ခြေ အတန်ထူထပ်သော  ရပ်ကွက်ငယ်လေးအတွင်းမှ အလင်းဆိုင်လေး တစ်ခုတွင် ဖြစ်သည်။ ကျွန်တော်တို့ဆိုသည်က ကျွန်တော်နှင့် သူငယ်ချင်းဖြစ်သူ သက်အောင်။ ကျွန်တော်တို့ စားပွဲဝိုင်းတွင် သက်အောင်သောက်လက်စ ပုလင်းလေးနှင့် တယောတစ်လက်ရှိနေသည်။ မှိန်ပျပျ လမ်းမီးရောင်အောက်ဝယ် နှင်းပုဝါက ထူထူထဲထဲပင် ခြုံသထားသည်။  ပတ်ဝန်းကျင် အမြင်အာရုံက အတိတ်ဆန်လွန်းစွာ မှုန်ဝါးဝါး။ ထို မှုန်ဝါးဝါးအောက်ဝယ် ဆိုင်ရဲ့မျက်စောင်းထိုးမှ လမ်းကလေး။ နှင်းမှုံတို့ ဝေ့၀ဲကျဆင်းနေသည့် လမ်းကလေး။လမ်းကလေးကို စိုက်ကြည့်ရင်း ကျွန်တော့်ရင်မှာ သိသိသာသာ ခုန်လာသည်။ထိုလမ်းကလေးထဲကို တိုးဝင်သွားမည်ဆိုလျှင် ကျွန်တော် ငယ်စဉ်က တက်ခဲ့ဖူးသည့် အလယ်တန်းကျောင်းကလေး ရှိမည်။ ထိုအလယ်တန်းကျောင်းကလေးကို ကျော်၍ ဆက်သွားမည်ဆိုပါလျှင်..နှင်း...
ချစ်ရပါသော နှင်း နေထိုင်သည့် အိမ်ကြီးကို ရောက်ပေမည်။  အတိတ်က ငွေ့ရည်ဖွဲ့ကာ ရင်ထဲတွင် အစိုင်အခဲတစ်ခုပမာ တည်နေဆဲ။ သိပ်သည်းလာသော ဝေဒနာကို မခံစားနိုင်စွာပင် သက်အောင်ကို ကျွန်တော် ရင်ဖွင့်မိသည်။  အ၀ိဥာဏက နှင်းပွင့်ကလေးတွေကတော့ သူတို့၏ ဖြူစင်ခြင်းနှင့် သူတို့၏သစ္စာရှိမှုကို ပြနေသည့်အလား  ဖွဲဖွဲသည်းသည်း ကျဆင်းနေဆဲပင်။ရင်ထဲမှာရော.. ရင်ထဲမှာလည်း နှင်းရှိနေသည်။ချစ်ရပါသော နှင်းရှိနေသည်။

လောင်းကစားသမား

မပီဝိုးတ၀ါး အရောင်ဖျော့ဖျော့ အလင်းက လောကကမ္ဘာမြေကို သိမ်းပိုက်ဝါးမျိုထားသည်။ဟိုနားက နီနီ ဒီနားက ၀ါဝါဖြင့်  တိမ်စအချို့ကား ညနေဆည်းရီပန်းချီကို အနားကွပ် အလှချယ်ပေးနေသကဲ့သို့ ရှိနေသည်။ ပတ္တမြားတစ်စကဲ့သို့ ရဲရဲတောက်နေသည့် အနီရောင် မျက်လုံးကြီးက လျှောကျ ပျောက်ကွယ်လုလု ရှိနေသည်။ မှုန်ရီဝိုးတ၀ါး နေရောင်အောက်မှာ လျှောက်နေရင်းမှ ဆည်းဆာ၏ အလှကို ကိုရင်ဣန္ဒာဝုဓ ခံစားမိလိုက်သည်။  နေရောင်မပြင်းတော့သော်လည်း နေ့လည်က အရှိန်မသေသေးသဖြင့် မြေက အပူရှိန် ဟပ်နေသည်ကို လည်း တဆက်တည်း သတိပြုမိလိုက်သည် ။ ဘေးဘီကို မကြည့်တော့ပဲ တစိုက်မတ်မတ် လျှောက်လာရာမှ  ရှေ့မှာ မှိုင်းအုပ်အုပ်ဖြင့် ရွာကလေးကို တွေ့ရတော့မှ ခြေလှမ်း၏ မြန်နှုန်းကို လျှော့ချလိုက်သည် ။ဇာတိရွာ ။ မိမိ၏  မွေးဖွာရာ ဒေသ ။ အမှောင်က အတန်ပင် စိုးမိုးခဲ့ပြီမို့အိမ်တချို့မှာ မီးခွက်ကလေးများပင် ထွန်းညှိထားလေပြီ ။ သွက်သွက်ကလေးပင် ငယ်ဆရာရင်း ဖြစ်သော ဆရာတော်ဘုရားရှိရာ ကျောင်းဆီသို့ ဦးတည်လာခဲ့သည်။

ရင်ဝေးကြယ်

အချိန်က ရုပ်ဆိုးသူတွေပင် လှပစေသည့်  ဆည်းရီ နေညိုချိန်။ ခင်ခင်တင့် လယ်ကန်းသင်းရိုးပေါ်မှာ ထိုင်၍ အိပ်တန်းပြန် ငှက်တချို့နှင့် မရိုးနိုင်သော ဆည်းဆာ၏ အလှကို ငေးမော ကြည့်နေမိသည်။ စိတ်ထဲမှလည်း   ` ငှက်တို့သည်ပင်လျှင် အချိန်တန် အိမ်ပြန်ကြပါလား ´ ဟု တွေးလိုက်မိသည်။  ဖုန်များ ထောင်းထောင်းထနေသော ရွာအ၀င်လမ်းဆီသို့ လှမ်းမျှော်ကြည့်ရင်း  အဖေနဲ့ အမေ ဘယ်တော့များမှ ပြန်လာမှာပါလိမ့် ဟူသောအတွေးဖြင့် ရင်မောမိရပြန်သည်။ ငှက်ကလေးတွေလိုပင် အဖေနဲ့ အမေ သူမတို့ မိသားစုရှိရာသို့ ပြန်လာလေလျှင် ဘယ်လောက်များ ပျော်စရာ ကောင်းလိမ့်မည်လဲ ။ သို့သော်ငြား သူမ၏ ထိုအတွေးသည် မပီပြင်သည့် ပန်းချီကား တစ်ချပ်သာ ဖြစ်ကြောင်း ခင်ခင်တင့် နားလည်မိပါသည် ။ ဆည်းဆာနေရောင်အောက်ဝယ် ထိုင်နေရင်းမှ ခင်ခင်တင့် စိတ်တို့က အတိတ်ကာလဆီ အလည်တစ်ခေါက် အပြေးသော့လေပြီ ။
…………………………………………………………………………………………….

ရွာကလေးရဲ့ ကျန်းမာရေး

ရှေ့ကို ရောက်နေသော နှစ်ယောက်ကို ကြည့်ပြီး သူကြီး ဦးဘစီ တော်တော်ပင် စိတ်ညစ်နေသည်။ အမြဲတမ်းလိုလို ပြဿနာနဲ့ နှောင်ဖွဲ့ ထုံးရစ်နေတဲ့ ဒီနှစ်ယောက် ။ ယခုလည်း ပြဿနာကို အထုတ်လိုက် မ ပြီး သူရှေ့ ရောက်နေသည်။ ရွာထဲမှာ ဟိုနေရာ ဒီနေရာ အမြဲ ပြဿနာဖြစ်လို့ ရှင်းနေရတဲ့ အထဲ ဒီဘကျော်တို့ ညီအစ်ကိုနှစ်ယောက်က အမြဲတမ်း တမှောင့် နှောင့် နှောင့်နေတတ်သည်။။သူများတွေက တခြားလူနဲ့ ပြဿနာ ဖြစ်ကြတာမို့ မပြောသာသော်လည်း ဘကျော်တို့ ညီအစ်ကိုကတော့ သူတို့ အချင်းချင်းဖြစ်သော ပြဿနာ ဖြစ်သည်။ ။ဖြစ်ပုံက သူတို့နှစ်ယောက် အမွေရထားသော ခြံကြီးမှ စသည်။ကိုယ်စီ ကိုယ်စီ အိမ်ထောင်ကျပြီး ခြံဝင်းကြီးကို နှစ်ပိုင်းပိုင်း ခွဲယူထားရာမှ ယခုအခါ သူ့ဘက်က ကျယ်လို့ ငါ့ဘက်က ကျဉ်းလို့ဆိုသော သေးငယ်သည့်အမြင်တွေနဲ့ ဒီပြဿနာကို အစထူခဲ့ခြင်း ဖြစ်သည်။ဦးဘစီ ဒေါပွတာက ဘကျော်တို့ ညီအစ်ကို နှစ်ယောက်ကို ဖြစ်သည်။  မူလ စိတ်ရင်းကောင်းသူတွေ ဖြစ်သော်လည်း လောဘ၏  ညှို့ယူခြင်းကို ခံထားရသည့် သားကောင်များပီပီ  ညီအစ်ကိုဆိုသော သွေးကို မမြင်တော့ပဲ သူတို့မိန်းမများ၏  ပြိုင်ဆိုင်တတ်မှုအား အညွန့်ထွက်စေရန် ရေလောင်း ပေါင်းသင်ပေးသည့်သဘောနှယ်
 ဖြစ်နေခြင်းကို မသိသဖြင့်  ဒေါပွသည်။  အရင်ကလည်း ဒီလိုခဏခဏ ဖြစ်ခဲ့ဖူးသည်။ ဦးဘစီ ရှင်းပေးလိုက်ရင် ငြိမ်သွား ကျေအေးသွားကြပြီး သူတို့မိန်းမတွေက မကျေနပ်ကြောင်း အသံလေးတွေ ထွက်လာရင် ထဖြစ်တတ်ပြန်သည်။ အခုလည်း ဒီပြဿနာနှင့် ရောက်လာခြင်း ဖြစ်သည်။

ဥမ္မတကရဲ့ ပုံပြင်အို

အေးဗျာ ခင်ဗျားက သူနဲ့ ကျွန်တော့် အကြောင်း စိတ်ဝင်စားတယ်ဆိုလို့သာ ပြောပြရမှာ ၊ တကယ်တော့ ကျွန်တော်က  “မြနှင်းဆီ ” ဆိုတဲ့ သူနဲ့ပတ်သက်တာတွေကို မေ့ထားတာ တော်တော်ကြာပြီဗျ ၊ တခြားလူတွေဆို ကျွန်တော်က ပြောပြရိုးလားဗျ ၊ ခင်ဗျားကိုသာ ခင်မင်ရင်းစွဲ ရှိလို့ ပြောပြတာ ။ မှတ်မှတ်ရရ သူ့ကို ကျွန်တော် စသိတာက ခုလို နွေလကြီးဗျ ။ ရွက်ဝါလေးတွေ ကြွေနေတာ ၊ ဥသြငှက်တွေရဲ့ နာပျော်ဖွယ် လွမ်းတေးတွေနဲ့ဆိုတော့  ခံစားတတ်ရင် နွေရာသီဆိုတာကလည်း လွမ်းမော တပ်မက်ဖွယ်ရာကောင်းတဲ့ ရာသီတစ်ခုပဲလေ ။  မေ့ထားတာ ကြာပြီဆိုတော့ ကျွန်တော်နဲ့ စသိစဉ်တုန်းက သူ့နာမည်တောင် မေ့တေ့တေ့ ဖြစ်နေပြီ.....။ ဟာ......မဟုတ်ဘူး.. ၊ ခင်ဗျား ထင်သလို အင်မ်နီးရှား (amnesia ) မဟုတ်ဘူးဗျ ။ ကျုပ်က သူနဲ့ပတ်သက်တာတွေကို တမင်မေ့ထားတာ ဘာရောဂါမှ မဟုတ်ဘူး ။ ထားပါတော့ဗျာ..။ အဲ.......နေဦးဗျ ၊ ထားပါတော့ ဆိုမှ သတိရတယ် ။ သူ့နာမည်က “ ထား ” ဗျ ။

ရင်ခွင်ဦးက စောင့်လို့ကြိုနေမယ်

ဘ၀မှာ စောင့်မျှော်ခြင်းဆိုတာ ရှိပါစေ မမမေ ။ အဲ့ဒီလိုပဲ ကွန်းထောက်နားခိုရာ သံသရာဘုံတကွေ့မှာ ပြန်လည်ဆုံတွေ့ခြင်းဆိုတာလည်း ရှိပါစေ မမမေ ။စွန့်ခွါထွက်သွားသော သူတစ်ယောက်အား တမ်းတလွမ်းဆွတ်စောင့်မျှော်နေရခြင်းသည် အဓိပ္ပါယ် မရှိသော လုပ်ရပ်လို့ ဘယ်သူတွေ ဘယ်လိုပင် ဆိုကြစမ်းပါစေ ၊ ကျွန်တော်ကတော့ ချစ်တဲ့ မမမေကို  ကျွန်တော့် အသက်ခန္ဓာမြဲသရွေ့  တမ်းတလွမ်းဆွတ်စောင့်မျှော်နေမှာပါ ။ အခုဆိုရင် နွေကိုတောင် ရောက်လာပြီ မမမေ ။ တစ်ချိန်က မမမေ သိပ်ချစ်ပါတယ် ဆိုတဲ့ နွေဦးလေ ။  ဟောဟို နွေကဗ္ဗလာ လေဟာနယ်ထဲမှာ ရွက်ဝါတွေကတော့ ဝေ့ဝေ့၀ဲဝဲ နဲ့ ရွက်ကြွေပွဲကို နွှဲနေကြပြီ မမမေ ။ ချစ်တဲ့ မမမေရဲ့ ရင်ထဲမှာလည်း ရွက်ဝါကိုခြွေပြီး ရွက်သစ်ကို ဝေစေတဲ့ ပင်အိုလို  နှောင်းမြည့်သွားလေတဲ့ အဖြစ်အပျက် အားလုံးကို  ကန့်လန်ကာ ချပြီး စိတ်သစ်လူသစ်နဲ့ မောင့်ရင်ခွင်ကို ပြန်လာမယ် ဆိုလျှင်ဖြင့်................။

ရိုက်ခတ်လာသော အတွေးစများ

နွဲ့နွဲ့နှောင်းနှောင်းနဲ့ သွားလာနေတဲ့ မိန်းမလျာတို့ ၊ နတ်ကတော်တို့ကိုမြင်တိုင်း ကျုပ်ကတော့ တစ်ချိန်က နေစိုးကို သတိရမိပါရဲ့ ။ အဲ့ဒီလိုပဲ နေစိုးအစ်ကို ကျုပ်ရဲ့ သူငယ်ချင်းကြီး ဘမိုးကိုလည်း မမေ့ခဲ့ပါဘူး ။ဖြစ်ပုံက ဒီလို ။


          ♥♥♥♥♥♥♥♥♥♥♥♥♥♥





ရွာထဲမှာ ဘမိုးဟေ့ ဆိုလိုက်တာနဲ့ နေရာတော်တော်များများမှာတော့ ပွဲပြီးမီးသေပဲ.။ သူကြီးနဲ့ ရွာဦးဆရာတော်က လွဲရင် ဘမိုးကြောက်တာ တစ်ယောက်မှ မရှိဘူး ၊ လူမိုက်လားဆိုတော့လည်း မိုက်တော့ မိုက်တယ် ၊ ဒါပေမယ့် အလကားနေရင်း သူများကို ပြဿနာ လိုက်ရှာတတ်တဲ့ အစားထဲလည်း မပါဘူး ၊ သူကောင်းနေချိန်တော့ ခေါင်းပေါ်တတ်နင်းသွားသွား ဆိုတဲ့ လူစားမျိုး ၊အဲ...မမူးရင်ပေါ့လေ ။ မူးလာရင်တော့ ဟဲဟဲ ..သိတယ်မို့လား .၊ ဘမိုးလေ.. ။

ထမီ ကျွတ်ခြင်းရဲ့ နောက်ဆက်တွဲ ရောဂါများ

         

ပြာသိုလ်လဆန်းရောက်ကတည်းက တစ်ဖွဲ့လုံး ရင်ခုန်နေကြပြီ ၊ ရင်ခုန်ရမယ်လေ..၊ ပြာသိုလ် လပြည့်နေ့ဆိုတာက ကိုယ့်ဇာတ်ိကျေးရွာရဲ့ နှစ်စဉ်နှစ်တိုင်း ကျင်းပမြဲဖြစ်တဲ့ “ ဗုဒ္ဓပူဇနိယ ပွဲနဲ့သံဃာ့ဒါန ဆွမ်းဆန်စိမ်း လောင်းလှူပွဲ ” ရှိတာကိုး....။ ဒီတော့ ဘယ်နေရာရောက်ရောက် ကိုယ့်ဇာတိအစွဲကတော့ မပျောက်ဘူးပေါ့..။ 


ရွာကလူတွေကတော့ ဒီနှစ်ဘုရားပွဲ ဘယ်လိုလုပ်ကြမယ် မသိဘူး..၊ ဒီကလူတွေကတော့ အစီအစဉ်တွေ ဆွဲနေပြီ..၊ တစ်ယောက်ကို ပိုက်ဆံနည်းနည်းဆီစုပြီး ပြာသိုလ်လပြည့်နေ့မှာ ၀ိုင်းဝန်းချက်ပြုတ်ကာ
စက်ရုံက မြန်မာအလုပ်သမားတွေကို ကျွေးမယ် ၊ နေ့ခင်း အအေးတိုက်မယ် ၊ညကျရင် လက်ဖက်သုပ် ကျွေးမယ် ။ ဆိုပြီး  အစီအစဉ်တွေဆွဲပြီး ကိုယ့် ဆိုင်ရာဆိုင်ရာလေးတွေကို တာဝန်ယူထားကြတယ် ၊ဒီလိုနဲ့ လခြမ်းလေးက ကွေးလာတဲ့ အချိန်မှာတော့  ကျွန်တော့်ခေါင်း နွေရာသီ ဖြစ်စရာ အကြောင်းက ဖန်လာတယ် ၊တခြား ဟုတ်ပါရိုးလား ၊ မလေးရှားမှာပဲ တခြားစက်ရုံမှာ ရောက်နေတဲ့ အစ်ကိုဝမ်းကွဲက သူ့ဆီကလူတွေကို “ တို့ရွာမှာ ဒီပွဲက သိပ်စည်တာ ၊ နောက်ပြီး တို့ငယ်ငယ်ကဆို  ရွာကလူတွေ စုပြီး “အရပ်ဇာတ် ” ကကြတာ ”  ဘာညာ ဆိုပြီး ကြွားထားတာ ။

ဒိုင်နှင့် အနီကဒ်များ

“တောက် ဒါ တမင်ညစ်တာကွာ အ၀ါကဒ်လောက်ပဲ ပေးရမယ့်ဟာ ၊ ဒိုင် တမင်ညစ်တာကွ ”


မကျေမနပ်နှင့် ပွင့်အံထွက်လာသော စိုးမောင်ရဲ့ စကားသံကြောင့် တစ်ဝိုင်းလုံး လှုပ်လှုပ်ရွရွ ဖြစ်သွားသည်..။
ဆိုင်ထဲမှာ ရှိနေတဲ့ လူတွေကလည်း ပွစိပွစိနဲ့ အသံတွေ ထွက်လာသည်.။. .။ စကားအားလုံးရဲ့ လားရာဇစ်မြစ်ကတော့ “ ဒိုင်ညစ်တယ် ” ဆိုသော စကားကိုသာ......။
ဘောလုံးပွဲသာ ပြီးသွားတယ်  စကားသံလေးတွေကတော့ အတောမသတ်နိုင်သေး.။ အထူးသဖြင့် ကျွန်တော်တို့ဝိုင်း....။


“ ပြိုင်ပွဲ တစ်ခုမှာ ဒိုင်ဆိုတာ အလွန်အရေးကြီးတယ်ကွ.၊ သူ့ရဲ့ ဆုံးဖြတ်ချက် နည်းနည်းလေး လွဲချော်တိမ်းစောင်းတာနဲ့ ပြိုင်ပွဲဝင်တဲ့သူတွေအဖို့ ကြီးမားတဲ့ ဆုံးရှုံးမှုကြီး ဖြစ်ပေါ်စေနိုင်တယ်.”

စိုးမောင်ရဲ့အဆိုကို အောင်ကျော်က
“ ဒါတော့ ဟုတ်တယ်ဟေ့..အထူးသဖြင့် ဒိုင်ဆိုတာ တရားသူကြီးနဲ့ ပမာတူတယ်..၊ စောစောက ဘောလုံးပွဲကိုပဲ
ကြည့်လေ ၊ မှားသည်ဖြစ်စေ မှန်သည်ဖြစ်စေ သူ့ဆုံးဖြတ်ချက်က ပဓာန ဖြစ်နေတော့ ဘယ်သူမှ ဘာမှပြောလို့
မရတော့ဘူး”

အောင်ကျော်ရဲ့ စကားအဆုံးမှာ ကိုထွန်းညွန့်က ကျွန်တော့်ဘက် လှည့်၍


“ မိုးကြီး ငြိမ်လှချည်လား ”

သစ္စာတရား

ကျုပ်ရဲ့ ပတ်ဝန်းကျင်မှာ မြွေပွေးတို့ ၊အနာကြီးရောဂါတို့ ၊ ဒါမှမဟုတ် တယောသံနွဲ့နွဲ့လေးတို့
တွေ့ရ ကြားရတိုင်း ..ကျုပ်ကတော့ တစ်ချိန်က ကျုပ်ရဲ့ အချစ်ဆုံး သူငယ်ချင်း ငတင့်ကြီးကို
ပြေးမြင်နေမိတော့တာပါပဲ….။ကြာတော့လည်း ကြာခဲ့ပါပြီ…၊ ဒါပေမယ့် အဖြစ်အပျက်တွေက
ပြန်စဉ်းစားလိုက်တိုင်း ကွက်ကွက်ကွင်းကွင်း ရှင်းလင်း ပြက်သားနေဆဲပါပဲ……။။

ဒုတိယအကြိမ် မွေးဖွားခြင်း

“ ၀ုန်း ”
“ မလုပ်ဘူး..မလုပ်နိုင်ဘူး...ငါဘယ်တော့ ဒီလိုလုပ်မှာမဟုတ်ဘူး ”

ကျုပ်ရဲ့ ရင်ကို “ ၀ုန်း” ကနဲ လာမှန်တဲ့ အသံနဲ့အတူ နောက်က ကပ်ပါလာတဲ့ အသံတွေကိုပါ ကြားလိုက်ရတာမို့ ကျုပ် လန့်ပြီး နိုးသွားတယ် ။ အဲ.....နိုးတယ်.........။ ဒီစကား တယ်တော့ မမှန်လှဘူး...။ဘာလို့လဲဆိုတော့
ကျုပ်က အိပ်မှ မအိပ်တာ ဘယ်လိုလုပ် နိုးတယ် ဆိုတာ ရှိမှာလဲ....၊ဒီတော့ ကျုပ် သတိဝင်လာတယ်ပဲ ဆိုပါတော့.။
ကျုပ် ကမန်းကတန်း ကြည့်လိုက်တော့...ကျုပ်ကို သိပ်ချစ်တဲ့သူနှစ်ယောက် ..။ တစ်ယောက်ကတော့ ဒေါသတွေ
ထွက်နေတဲ့ မျက်နှာနဲ့ .မျက်ဝန်းမှာလည်း မျက်ရည်စတွေကို တွေ့နေရတယ် ၊ ကျန်တစ်ယောက်ကတော့
မျက်နှာက မှုန်မှုန်မှိုင်းမှိုင်း ။တူညီတဲ့ အချက်ကတော့ သူတို့နှစ်ယောက်လုံးရဲ့ မျက်နှာမှာ ကြေကွဲဆို့နင့်နေတဲ့
အရိပ်တွေ ဖြာထွက်နေတာပါပဲ.....။

ကွေးသောလက် မဆန့်မီဝယ်

ညကမှောင်လာပြီဆိုပေမယ့် နှစ်ပေမီးချောင်းလေးတွေ ထွန်းထားလို့ အလင်းတစ်ချို့ကတော့ ရှိနေသေးသည်။မီးရောင်အောက်မှာ ဟိုတစ်စု ဒီတစ်စု ထိုင်နေကြာသော သူတွေကတော့ ဒီအကြောင်းကို ပြောမဆုံးသေး။တစ်ချို့ကလည်း “တောက်” တစ်ခေါက်ခေါက်။ တစ်ချို့ကလည်း ယူကျုံးမရဟန်။ချောင်ခပ်ကျကျမှာ ၀ိုင်းဖွဲ့ထိုင်နေတဲ့ ဖဲသမားအုပ်စုကတော့ ယခုချိန်မှာ ဒီအကြောင်းကို သူတို့လက်ထဲက ဖဲတစ်ချက်လောက် စိတ်ဝင်စားတော့မည် မထင်။ပြီးဆုံးသွားပြီ ဆိုပေမယ့် ဂယက်လေးကတော့ ကျန်ခဲ့မြဲပဲလေ။

အဖေ၀မ်းသာနိုင်ပါစေ

လောကထဲကို “အူဝဲ ” လို့ဆိုပြီး မိတ်ဆက်ကာ ၀င်ရောက်လာချိန်ကတော့ သူရှိကောင်း ရှိနေနိုင်တယ်။ ဒါပေမယ့် လူမှန်းသိပါပြီ ဆိုကတည်းက ကျွန်တော့်ဘ၀မှာ သူမရှိခဲ့ပါဘူး။ ကျွန်တော်သူ့ကို မမြင်ဖူးလိုက်ပါဘူး ။မမှတ်မိတာလည်း ဖြစ်ကောင်းဖြစ်နိုင်ပါတယ်။ သူ ။သို့မဟုတ် ။အဖေ။ “အဖေ”ဆိုတဲ့ ဝေါဟာရ နာမ်စားကို သူများတွေ ခေါ်တိုင်း ရင်ထဲမှာ တိတ်တိတ်လေးနဲ့ ထိရှနာကျင် မိတာကို ကျွန်တော့ဘာသာ အသိဆုံး။ငယ်ငယ်တည်းက ကျွေးမွေး စောင့်ရှောက်ခဲ့တဲ့ အမေကလည်း ကျွန်တော် ငါးနှစ်သားအရွယ်မှာ ဆုံးသွားတယ်။ အားငယ်ရပေမယ့် ပြုစုပျိုးထောင်ပေးတဲ့ ဦးလေးအောင်လူ ရှိနေတဲ့ အတွက် ကျွန်တော် လောကကြီးကို ဘာမထီ စိတ်ထားနဲ့ လျှောက်နိုင်ခဲ့ပါတယ်။

တံဆိပ်မလိုသော အက္ခရာလေးများ

ရှုမဆုံးတော့ပြီ........စိမ်းလဲ့လဲ့နှစ်စဉ်........လယ်ကွင်းတွေက တမျှော်.......တခေါ်  စိုပြေလွင်........ရိပ်သိမ်းချိန်
ဆိုပြန်လျှင်........၀င်းမှည့်ရွှေစင်အိလို့ပင်.....စပါးအနှံတွေနဲ့......အသီးတွေ.....သန်မြန်အောင်.......မြင်။။။
ဆရာမြို့မငြိမ်းရဲ့“လူချွန်လူကောင်း” သီးချင်းထဲမှ အစဆုံး အပိုဒ်ကို ကြားတိုင်း လွန်ခဲ့သော အတိတ်ကာလတွင်
ကျေးလက်ဇာတိရွာလေးမှ ကျွန်တော့် ဦးလေးဖြစ်သူ ပြောသော စကားများနှင့်....စိတ်ညစ်၍
ပိုးသတ်ဆေး သောက်ခဲ့သော်လည်း မသေသော မမိငွေကို ပြေးမြင်ကြားယောင်မိမြဲပင်..........။

ပိတောက်နှင့် ပမာတူသော

နွေ။ကြည့်လေရာရာ၌ရွက်ဝါတို့တဖြုတ်ဖြုတ်ကြွေ၍လေတွင်ဝေ့၀ိုက်ကာမြေပေါ်မှာခ၀ပ်စင်း
ပြီးလျောင်းသက်စေသောနွေ။တောင်မှမြောက်၊မြောက်မှတောင်၊ဘယ်ကိုပဲကြည့်ကြည့်
ရိုးတံပြိုင်းပြိုင်းတို့နဲ့ ပင်အို ပင်ပျိုတို့ကနွေရဲ့သဏ္ဍာန်ကိုထုပ်ဖော်နေသည်။
တစ်ချက်တစ်ချက်ကြားရသောနွေတေးရှင်ဥသြငှက်ရဲ့အသံကနွေရဲ့သဘာဝကိုပို၍ပီပြင်စေ
သည်။အင်းးးးးးနွေ။ သည်နွေ။

နှင်းမှုန်ထဲမှ လွမ်းနေသူ

ည။တိတ်ဆိတ်အေးမြသောဆောင်းည။ငွေနှင်းမှုန်တို့ကခုန်ဖျန်းပတ်၍မြောက်ပြန်လေတို့ တိုက်ခက်နေသောဆောင်းညတွင်
ငွေလကမှုန်ပျပျအလင်းရောင်ဖြင့်တစ်ရွာလုံးပေါ်ဖြန့်ကျက်ထားသည်။ သို့သော်ဆောင်းည၏အလှတရားသည်ကျွန်တော်နှင့်
မဆိုင်သယောင်ခပ်စိမ်းစ်ိမ်းရှိလှသည်။အေးမြသောဆောင်းညတွင်ကျွန်တော့်ရင်မှာ ပူလောင်နေသည်။တစ်ရွာလုံးပင်အိပ်မော
ကျနေရော့မည်။အိပ်မပျော်သူကကျွန်တော်တစ်ယောက်တည်းသာရှိသည်ထင့်။

ပုထုဇနော ဥမ္မာတကော

ကျုပ်နာမည်က ကျော်စွာ။ ကျုပ်လိပ်စာလား။ အင်း... ခင်ဗျားသိချင်ရင်တော့ ပြောပြရတာပေါ့။ ကျုပ်မွေးတာက ယောနယ်က ရွာလေးတစ်ရွာမှာ မွေးတာ။ငါးနှစ်လောက်နေတော့ တောင်ကြီးဘက်ကို ပြောင်းခဲ့တယ်။ ဟော.....ဘာကြာလို့လဲ။ကျုပ် ခုနှစ်နှစ်သားရောက်တော့ မိုးကုတ်ဘက် ရောက်သွားပြန်ရော။
နောက်တော့....မန္တလေး။နောက်တော့.....ရန်ကုန်.......။နောက်တော့..........။နောက်တော့....................။

သခွတ်ပန်းရဲ့ ချစ်ကြည်ရေး ရာဇ၀င်

ကမ္ဘာပေါ်မှာ အကြာဆုံး စစ်ပွဲကို ခင်ဗျား သိလား။ အင်းး။

ကျုပ်မေးလို့သာ မေးရတာပါဗျာ။ ခင်ဗျား သိမှာမဟုတ်ပါဘူး။ သြော်...ခင်ဗျားက သိတယ်လား။

ဆိုစမ်းပါဦး ဒါဆို။ ဘာဗျ၊ ခရူးဆိတ် စစ်ပွဲ ဟုတ်လား။ ကျူပ်ကတော့ ဗဟုသုတ နည်းတယ်ပဲ ပြောပြော

မကြားဖူးဘူးဗျ။သြော်......အင်းအင်း..။ခရစ်ယာန်နဲ့ အစ္စလာမ်နဲ့ ဖြစ်တဲ့ ဘာသာရေး စစ်ပွဲလား။

လုပ်စမ်းပါဦး ။ဘယ်လောက်လောက် ကြာပြီလဲဆိုတာကို ကျုပ် သိပ်စိတ်ဝင်စားတယ်။

နှစ်ပေါင်းလေးရာ ကျော်ပြီ ဟုတ်လား။ဟားဟား....။ ခင်ဗျားက သိပ်ရယ်စရာ ပြောတဲ့သူပဲဗျ။

ဟားဟား...။ ကျုပ်သိပ်သဘောကျတယ်ဗျာ။ဘာတဲ့ နှစ်ပေါင်းလေးရာ တဲ့လားဗျာ။

ဒီမှာ ခင်ဗျား မသေမခြင်း မှတ်ထားဗျ။ ကမ္ဘာပေါ်မှာ အကြာဆုံး စစ်ပွဲက ကျုပ် ဦးဆောင်ပြီး

တိုက်နေတဲ့ စစ်ပွဲဗျ။ဘာလဲ ခင်ဗျားက ကျုပ်ကို ရောမက သူရဲကောင်း စစ်သည် တဦးလို့ ထင်နေလို့လား။မဟုတ်ဘူးဗျ။ ကျုပ် အကြောင်းကို ခင်ဗျား မသိလို့ မဟုတ်ပါဘူး ။  ခင်ဗျား သိပါတယ်။ ဒါပေမယ့် ခင်ဗျားမှာ ကိုယ်ချင်း  စာတရား နည်းပါးနေတယ်။ခင်ဗျား ကျုပ်တို့ကို မေ့ထားတယ်။ ခင်ဗျား သိအောင် ပြောပြမယ်။လောကမှာ တိုက်ပွဲတွေ အများကြီး ရှိတယ်ဗျ။ ခင်ဗျား ပတ်ဝန်းကျင်မှာလည်း

ဒါတွေ ရှိပါတယ်ဗျာ။ ခင်ဗျားက သတိမမူလို့ပါ။ ကျုပ်ကို ခင်ဗျား စိတ်ဝင်စား  နေပြီမို့လား။

ကျုပ်ပြောတဲ့ တိုက်ပွဲကိုလည်း ခင်ဗျား သိချင်နေပြီမို့လား။။ဒီလိုလေဗျာ။။။။။။