မခမ်းမနား ၊ မဆန်းပြားလည်း
စွမ်းအားပြည့်စုံ ၊ မွှေးနံထုံသည်
လက်ဆုံခင်းသည့်  ထမင်းဝိုင်း ။
အွန်လိုင်းပေါ်တွင် သူငယ်ချင်း တစ်ယောက် တင်ထားသော ကဗျာလေးကို ဖတ်အပြီး သူမရင်ထဲ သိမ့်သိမ့်လေး လှုပ်ရှားသွားသည် ။ နေ့တစ်နေ့တာတွင် သူမအတွက် အပူလောင်ဆုံး အချိန်သည် မနက်ခင်းဖြစ်ပြီး အအေးမြဆုံး အချိန်သည် ဆည်းဆာရီ တစ်ခုသာ ဖြစ်သည် ။
မနက်ခင်းဆိုလျှင် အဖေနဲ့ အမေတို့က အိမ်ကနေ ထွက်ပြီး ရုံးသို့ သွားသည်။ တစ်နေ့လုံး အိမ်ထဲမှာ သူမ တစ်ယောက်သာ ရှိသည်မို့ မနက်ခင်းကို သူမ မုန်းသည် ။ ညနေခင်းကိုတော့ချစ်သည် ။ တိမ်အလွှာတွေက ဇာပ၀ါကွန့်သလို အတွန့် အတွန့်တွေက တစ်မျိုး ၊ ဟိုးးးးးအထက်သို့ ထောင်တက်နေသည်က တစ်ဖုံ ၊ ငိုရဖန်များ၍ နီရဲ မို့အစ်နေသော မျက်လုံး ပုံစံကဲ့သို့ နေမင်းကြီး ၊ ဆိုင်ရာ ဆိုင်ရာ ဌာနေသို့ ပြန်နေသော ငှက်အုပ်များ ။ ဒီမြင်ကွင်းတွေက ဆည်းဆာရဲ့ အလှတွေပင်ဖြစ်သည်။ ဒီအလှတွေကို အနားကွပ်ပေးတာကတော့ သူမရဲ့ မိဘနှစ်ပါး အိမ်အပြန်ခရီးဖြစ်သည် ။ သူမသည် မိသားစုကို တွယ်တာသည် ။ သူမတို့ မိသားစုမှာ.ကဗျာလေးထဲကလို လက်ဆုံခင်းသည့် ထမင်းဝိုင်း မဖြစ်တာ အတော်ပင် ကြာခဲ့လေပြီ..။
အတွေးကို ဖျောက်ကာ အနားမှ ကော်ဖီခွက်ကို ကောက်ယူပြီး တစ်ငုံ ငုံလိုက်ကာ နောက်ထပ် ၀တ္ထု တပုဒ် ထပ်ပြီး ဖတ်ရန် လက်မှ မောက်စ်ကို လှုပ်ရှားပြီး ရှာကြည့်သည် ။အမှန်တော့ ဒီကွန်ပျူတာလေးက သူမအတွက် သက်မဲ့ အဖော်မွန်တစ်ခုသာ ဖြစ်သည် ။
“ သမီးရေ...ညနက်တဲ့ ထိအောင် မနေနဲ့နော် ”
“ ဟုတ်ကဲ့ အမေ ”
နောက်ကို လှည့်မကြည့်ပဲ အမေ့ကို ပြန်ပြောလိုက်ရင်း ရှေ့မှ ကွန်ပျူတာကိုသာ သဲသဲမဲမဲ ကြည့်နေမိသည် ။ တစ်ခါတလေတော့လည်း သူမ ၀မ်းနည်းမိသည် ။ သူမအတွက် အဖော်က သက်မဲ့ ကွန်ပျူတာလေး တစ်ခုဖြစ်နေခြင်းက ကံဇာတ်ဆရာ၏ ကြံဖန်ကျီစယ်မှုပေလော မသိ ။အမေနှင့် အဖေက ၀န်ထမ်းတွေမို့ မနက်ပိုင်းကနေ ညနေထိ အိမ်မှာနေသည်ဟု မရှိပေ ။ အမှန်တော့ သူမမှာ အစ်ကိုသုံးယောက် ရှိပါသည် ။
သူမတို့ မောင်နှမမှာ သူမက အငယ်ဆုံး ။ ယောက်ျားလေးတွေကြားမှာ တစ်ဦးတည်းသောမိန်းကလေးမို့ သူမက မိန်းမ မဆန်လှပါ ။ဆံပင်ခပ်တိုတိုနဲ့ မျက်မှန်အမြဲတပ်ထားတဲ့ သူမက မသိရင် ယောက်ျားလေး တစ်ယောက်လိုလို ။ အစ်ကိုတွေကတော့ အိမ်ထောင်ကျပြီးကတည်းက တစ်ယောက်ပြီး တစ်ယောက် အိမ်ခွဲသွားခဲ့သည် ။ အိမ်က စီးပွါးရေးက အဆင်ပြေသည်မို့ သူမကို အပြင်အလုပ် ထွက်မလုပ်ခိုင်းပါ ။ အိမ်မှာပင် နေခိုင်းသည် ။ တွက်ကြည့်လျှင် ယခု သူမ အသက်ပင် ၂၄ နှစ်ပြည့်ပြီးသွားပြီ ။
အသက်ငယ်ငယ်နဲ့ အလုပ်လုပ်သည့် သူတွေ အကြောင်းကို ကြားရ သိရတိုင်း သူမကို သူမ အားငယ်မိသည် ။ သူမက အမြဲတမ်း အလုပ်လုပ်ချင်ခဲ့သည် ။ သို့သော်...အဖေနဲ့ အမေကလည်း သူမကို ဘယ်လိုမှ အလုပ်ထွက်မလုပ်ခိုင်း ။ အငယ်ဆုံးကလည်း ဖြစ်ပြန် သမီးမိန်းကလေးလည်း ဖြစ်ပြန်တော့ အချစ်ပိုတာကို နားလည်ပေမယ့် ဒီအရွယ်ထိ အလုပ်မလုပ်ခိုင်းတာကိုတော့ သူမအလိုမကျပါ ။အိမ်ထဲမှာ တစ်ယောက်တည်း နေရသော ဘ၀ကို သူမငြီးငွေ့လှပြီ ။ ပူဆာလွန်းမက ပူဆာတော့ အိမ်မှာတစ်ယောက်တည်းနေရတာ မပျင်းအောင် ဆိုပြီး ကွန်ပြူတာ တစ်လုံး ၀ယ်ပေးသည် ။ အင်တာနက် ချိတ်ပေးသည် ။ ကျောင်းပြီးခါစက သင်တန်းတက်ဖူးသဖြင့် ကွန်ပျူတာနဲ့ သူမက သိပ်မစိမ်းလှပါ ။ ကွန်ပျူတာလေး ရောက်လာပြီးတော့ သူမ ခါတိုင်းထက်တော့ နေရတာ ပျော်မွေ့လာပါသည် ။
အင်တာနက် ချိတ်ဆက်ပြီး သူမ ၀ါသနာပါသော စာများကို အပြင်သွားစရာ မလိုပဲ ကွန်ပျူတာထဲမှာတင် ရှာဖတ်နိုင်သည်မို့ သူမ ပျော်ရပါသည် ။ တစ်ခါတလေတော့လည်း သူမ တော်တော်ဝမ်းနည်းမိသည် ။သူမ ကျင်လည်ရာ အသိုက်အ၀န်းသည် လူ့လောကကြီးနှင့် ကမ္ဘာတစ်ဖက် ခြားနေသလားဟုသံသယဖြစ်မိသည် ။ လူ့ဘ၀ လူ့လောကကြီးတွင် ဘာအလုပ်မှ မလုပ်ပဲ အိမ်မှာနေပြီး စည်းစိမ် ခံစားနေရသော သူမသည် လူပို တစ်ယောက် ဖြစ်နေပြီလော။ ထိုသို့နေရခြင်းသည် ပြီးပြည့်စုံသော လူ့ချမ်းသာပေလော ဟု…. သူမ အကြိမ်ကြိမ် တွေးမိသည် ။
စိတ်ကျေနပ်လောက်စရာ အဖြေတော့ တစ်ခါမှ မတွေ့ ။ ခေါင်းတွေ နောက်လာတာသာ အဖက်တင်သည် ။
@@@@@@@@@@@@@@@@@@@@@@@@@@
သူမရောက်နေသည်က လက်ဖက်ရည်ဆိုင်လေး တစ်ဆိုင်တွင် ဖြစ်သည် ။ အိမ်မှာနေရတာ ငြီးငွေ့လွန်းသဖြင့် ဒီနေ့ ပန်းဆိုးတန်းသို့ သွားကာ သူမ လိုချင်သော စာအုပ်အချို့ ၀ယ်လာခဲ့သည်။ ပြီးတော့ အဖေနှင့် အမေ သိပ်ကြိုက်သော ကိတ်များနှင့် တိုတိုထွာထွာ မုန့်များ ၀ယ်ကာ ဒီဆိုင်လေးကို ရောက်လာခြင်းဖြစ်သည် ။ ဆိုင်လေးက အခြေခံလူတန်းစားတွေ နေထိုင်ရာဖြစ်သည့် ရပ်ကွက်ကလေးမှ ဆိုင်လေးဖြစ်သည် ။ဒီဆိုင်လေးက သူမရဲ့ ကျောင်းနေဖက် သူငယ်ချင်းဖြစ်သူ အေးခိုင်တို့လင်မယား ဖွင့်ထားသော ဆိုင်လေးဖြစ်သည်။
“ ဟဲ့ ဌေးဌေး နင်လည်း ကျောင်းပြီးကတည်းက ပျောက်နေလိုက်တာ ခုမှပဲ ပေါ်လာတော့တယ် ”
“ အောင်မယ် နင်ကရော ငါ့ဆီ ဘယ်နှစ်ခေါက် လာဖူးလို့လဲ ”
သူငယ်ချင်းရဲ့ စကားကို ပြန်လည် ချေပရင်း လက်ဖက်ရည်တစ်ကျိုက် ကောက်မော့လိုက်သည် ။မတွေ့ရတာ တော်တော်ကြာပြီမို့ သူငယ်ချင်းနှစ်ယောက် ပြောစရာများက မကုန်နိုင်ခဲ့ ။
“ စကားပြောကောင်းနေလိုက်တာ ငါးနာရီတောင် ထိုးပြီးပြီ ။ အေးခိုင် ငါပြန်တော့မယ် ”
လက်မှ နာရီကို ကြည့်ရင်း အေးခိုင်ကို နှုတ်ဆက်ကာ ပြန်ဖို့ နှုတ်အဆက်တွင် သူမမြင်ကွင်းထဲကိုပုံရိပ်တစ်ချို့က တိုးဝင်လာသည် ။ကြည့်ရတာက ဘယ်လိုမှ ကဗျာမဆန်ပါ ။ လူလည်း မဆန်ပါ ။ ၁၁နှစ်အရွယ် ယောင်္ကျားလေးတစ်ယောက်နှင့် ၇ နှစ်အရွယ် မိန်းကလေးတစ်ယောက်ကို ခပ်ကြီးကြီး ကောင်လေးတွေက ၀ိုင်းဖွဲ့ အနိုင်ကျင့်နေသည့် မြင်ကွင်းဖြစ်သည် ။ သူမ ထိုင်ရာမှ ထလိုက်ပြီး ထိုကလေးတွေဆီ လျှောက်သွားလိုက်သည် ။
“ ဟေ့ ဘာဖြစ်နေကြတာလဲ ”
သူမကို မြင်တော့ ကလေးတွေ ထွက်ပြေးကုန်သည် ။ လဲနေသော ကောင်လေးနှင့် ကောင်မလေးကို ဆွဲထူပေးရင်း
“ ဘာဖြစ်သွားသေးလဲ မောင်လေး ၊ ညီမလေးရော ဘာဖြစ်သွားလဲ ”
“ ဘာမှမဖြစ်ပါဘူး မမ ၊ ကျေးဇူးပါဗျာ ”
“ ဘယ်လိုဖြစ်လို့ သူတို့က မင်းတို့ကို ဒီလိုလုပ်ရတာလဲ ”
သူမ၏ အမေးကို ကောင်လေးက ညှိုးငယ်စွာ ပြန်ဖြေရှာသည် ။
“ ကျွန်တော်တို့မောင်နှမက ဟိုဘက်ရပ်ကွက်ကပါ ၊ ဒီဘက်ကို ပလပ်စတစ်တွေ လိုက်ကောက်ရင်း ရောက်လာတာပါ ။ အဲ့ဒါကို သူတို့တွေက ဒီရပ်ကွက်ကို လာလို့ဆိုပြီး ၀ိုင်း ထိုးကြတာ ”
ကောင်လေးစကားဆုံးမှ သူမ သတိထားမိသည် ။ ဘေးမှာ ပီနန်အိတ် ခပ်ကြီးကြီး နှစ်လုံးနှင့် သံချွန်တပ်ထားသော တုတ်တံလေးများ ရှိသည် ။
“ ကဲ ကဲ လာကြ ”
သူမ ကောင်မလေးကို ဆွဲခေါ်ရင်း လက်ဖက်ရည် ဆိုင်ထဲ ပြန်ဝင်လာခဲ့သည် ။ကောင်လေးကတော့ နောက်ကနေ အိတ်ကြီးကို မနိုင့်တနိုင် သယ်ကာ လိုက်လာသည်။ ဒီကလေးတွေကို မြင်ကတည်းက သူမ စိတ်ထဲ လေးစားမိသည် ။ ငယ်ငယ်ရွယ်ရွယ်နဲ့ မ်ိသားစု စားဝတ်နေရေးကို ကျားထောက်ပေးနေရသော ကလေးတွေ ။ တကယ်တမ်း ဆိုလျှင် သူတို့အရွယ်သည် ကျောင်းနေရမည့် အရွယ်တွေ ဖြစ်သည် ။
ဥစ္စာခေါင်ပါးသော အသိုင်းအ၀ိုင်းတွင် သူတို့လေးတွေသည် မပွင့်ခင်ချွေချခံလိုက်ရသည့် ပန်းဖူးလေးတွေနှယ်။ အမှန်တော့ ဒီလိုကလေးတွေ ရန်ကုန်မြို့ကြီးမှာ မြောက်မြားစွာ ရှိသည်ကို သူမ သိပါ၏ ။ သို့သော်ငြား ဒီလို ကလေးတွေကို တွေ့ရတိုင်း သူမရင်က နာကျင်သည် ။မိသားစု အေးရိပ်က ခြောက်ခြောက်သွေ့သွေ့ ဖြစ်နေသော စိတ်အခံကြောင့်မို့လည်း ပိုဆိုးသည်ဟု သူမ ထင်သည် ။
“ လာလာ စားကြ ၊ မင်းတို့ဗိုက်ဆာနေပြီ မို့လား ”
သူမ ၀ယ်လာသော ကိတ်မုန့်များကို ထုတ်ပြီး ကလေးတွေကို ကျွေးမိသည် ။အေးခိုင်ကတော့ သူမကို အံ့သြဟန်ဖြင့် ကြည့်နေသည် ။ဘာမှတော့ ၀င်မပြော ။ ကောင်မလေးက ကိတ်မုန့်များကိုမြင်တော့ လက်လှမ်းသည်။
“ ဟဲ့ မိစု အိမ်မှာ အဘွားစောင့်နေတယ်လေ ”
ကောင်လေးက မိစု ဆိုသော သူ့ညီမ၏ လက်ကို ပုတ်ရင်း ပြောသည်။ မိစုက လက်ကလေးကို ပြန်ရုတ်ပြီး ဗိုက်လေးကို မသိမသာ ပွတ်နေရှာသည် ။ သူ့မျက်နှာက ငိုမဲ့မဲ့ ဖြစ်နေသည် ။
“ စားလေ ညီမလေး ၊ မောင်လေးလည်း စားလေ ဘာဖြစ်လို့လဲ ”
ကောင်လေးက မုန့်ကိုတစ်လှည့် သူမကို တစ်လှည့်ကြည့်ပြီး ပြောသည် ။
“ မမကျွေးတာကို သားတို့ကျေးဇူးတင်ပါတယ် ။ဗိုက်လည်း ဆာနေတာမို့ စားလည်း စားချင်ပါတယ် ။ ဒါပေမယ့် အိမ်မှာ အဘွားစောင့်နေတာမို့ သားတို့ အိမ်ကိုပဲ ပြန်ချင်တယ် ။ နောက်ပြီး ..
ကောင်လေးက စကားကို မဆက်သေးပဲ သူမကို မ၀ံ့မရဲ ကြည့်နေသည် ။
“ ဆက်ပြောလေ နောက်ပြီး ဘာဖြစ်လို့လဲ ”
“ နောက်ပြီး မမ ကျွေးချင်တယ်ဆိုရင် ဒီကိတ်မုန့်တွကို သားတို့ အိမ်ကိုယူသွားချင်တယ်။ သားလေ ဒီလိုမုန့်တွေ အဘွားကို သိပ်ကျွေးချင်တာ..။ အဘွားက သွားသိပ်မကောင်းဘူး ´
ကောင်လေးက ပြောပြီး ခေါင်းငုံ့သွားသည် ။သူမရင်ထဲမှာတော့. နင့်ကနဲပင်။ ဆုံးဖြတ်ချက်တစ်ခုကို ချလိုက်ရင်း သူမ ကိတ်မုန့်တွေကို ပြန်ထုပ်လိုက်သည် ။ မောင်နှမ နှစ်ယောက်ကတော့ သူမမျက်နှာကိုသာ အကဲခက်နေဟန် ။
“ ကဲ လာကြ ။ မင်းတို့အိမ်ကို အစ်မ လိုက်ပို့ပေးမယ် ။ အေးခိုင်ရေ ငါသွားပြီ ”
ကလေးတွေကို ခေါ်ရင်း အေးခိုင်ကိုပါ နှုတ်ဆက်ကာ ကားတစ်စီး ငှားပြီး ကောင်လေးပြောသောတစ်ဖက်ရပ်ကွက်က သူတို့အိမ်လေးဆီကို မောင်းခိုင်းလိုက်သည် ။ ကားသမားက အထုတ်တွေ ကြည့်ပြီး အင်တင်တင် ဖြစ်နေသေးသည်။။ မတန်ရာသော ငွေကိုပေးကာမှ သူက မကြည်သလိုနှင့် လိုက်ရှာသည်..။
“ ရောက်ပြီ ရောက်ပြီ ….ရှေ့က သားတို့အိမ်ပဲ ”
အိမ်ဆိုပေမယ့် ခနော်နီ ခနော်နဲ့ အခန်းတွဲလေးတွေဖြစ်သည် ။ ကောင်လေး ညွှန်ပြသော အခန်းတွဲလေးမှာတော့ မှိန်ပျပျ မီးအလင်းရောင်လေး ရှိသည် ။ကားသံကြား၍ ထင်သည် ။ အခန်းလေးတွေမှ ခေါင်းလေးတွေ ထွက်ပြီး စူးစမ်းသော အကြည့်တွေနှင့် ကြည့်နေသည် ။
“ ဟဲ့ ချစ်ညွန့်တို့ မိစုတို့ ဘာဖြစ်လာကြတာလဲ ”
ကောင်လေးညွန်ပြသော အခန်းအတွင်းမှ အဘွားအို တစ်ယောက် ထွက်လာပြီး မေးသော အမေးကို မိစုက
“ ဘာမှ မဖြစ်ဘူး အဘွား ၊ ဒီမမက သမီးတို့ကို လိုက်ပို့တာ ။ မမ အိမ်ထဲ ၀င်ဦးနော် ”
အရွယ်နှင့် မမျှစွာ မိစုက ပြောရင်း သူမလက်ကိုပါ ဆွဲခေါ်ရှာသည် ။ ချစ်ညွန့်ကတော့ ပလပ်စတစ် အိတ်ကြီးတွေကို ကားပေါ်မှ ချပြီး အိမ်ဘေးမှာ သွားထားသည် ။ အိမ်ထဲကို လှမ်းဝင်လိုက်သည်နှင့် မှိန်ပျပျ အလင်းရောင်အောက်မှာ တွေ့လိုက်ရသည်က ထမင်းဝိုင်းတစ်ခု ။ ငပိရည် တို့စရာ၊ အရည်သောက်တစ်ခွက် ၊ ခရမ်းသီးချက် တစ်ခွက်နှင့် ထမင်းပန်းကန်ပြား သုံးချပ်နှင့် ထမင်းဝိုင်းတစ်ခု ။မိစုက သူမကို ရေတစ်ခွက် လာပေးသည် ။
“ ချစ်ညွန့် ဒီခဏလာဦး ”
အဘွားအိုက ချစ်ညွန့်ကို ခေါ်ပြီး တိုးတိုး တိုးတိုးနှင့်ပြောနေသည် ။ ချစ်ညွန်ခေါင်းငြိမ့်ပြီး အပြင်ဘက် ထွက်သွားသည် ။ခဏနေတော့ လက်ထဲမှာ ထမင်းထုတ်လေးတွေ ဆွဲပြီး ပြန်ရောက်လာသည် ။
“ ကဲ ဒီကတူမကြီး အဘွားတို့က ညစာကိုတော့ လူမစုံရင် မစားတတ်ဘူး ။ လူစုံအောင် စောင့်ပြီးစားကြတာ ။ ဧည့်သည်လာရင်လည်း ကျွေးရမှ အဘွားတို့က ကျေနပ်တာ ။ ထမင်းက အဘွားတို့က နေ့တိုင်း သုံးယောက်စာပဲ ချက်တာမို့ ၀ယ်လိုက်တာ ။ဟင်းကတော့ မကောင်းဘူး..။ စားနိုင်မယ်ဆိုရင် အဘွားတို့နဲ့ တစ်ခါတည်း ၀င်စားလိုက်ပါလား ”
ပွင့်လင်းရိုးသားစွာ ပြောလိုက်သော အဘွားအိုရဲ့ စကားက သူမရင်ကို တည့်တည့်မှန်သည် ။ သူမတို့ မိသားစု စုံစုံညီညီ ထမင်းမစားဖြစ်တာ ဘယ်လောက်များပင် ကြာခဲ့ပြီလဲ ။အဖေနဲ့အမေက ရုံးကပြန်လာလျှင်ရေမိုးချိုးပြီး စာရင်း ဇယားတွေနဲ့ အလုပ်ရှုပ်နေသည် ။သူမကလည်း ညဘက်ဆိုလျှင်ကွန်ပျူတာလေးနဲ့ စာရေးဖို့ပဲ အာရုံရောက်နေတတ်သည် ။အစ်ကိုတွေကလည်း အိမ်ထောင်ကျပြီး ကတည်းက တစ်လမှ တစ်ခါလောက်ပဲ အိမ်ရောက်သည် ။
“ ရော့ မမ လက်ဆေး ”
ဗိုက်က ဆာနေပြီ ဖြစ်သလို သူမအတွက် တကူးတကလည်း ၀ယ်လာပြီးပြီမို့ ငြင်းလိုက်ရင် ဟင်းမကောင်းသဖြင့် မစားနိုင်၍ မစားခြင်း ဖြစ်သည် ဟု ထင်သွားမှာလည်း စိုးသောကြောင့် ချစ်ညွန့် ထိုးပေးသော ရေခွက်ထဲတွင် လက်နှိုက်ဆေးရင်း သူမ ထမင်းဝိုင်းကို ၀င်စားဖြစ်သည် ။ သူမတို့ အိမ်မှာလောက် ဟင်းမစုံသော်လည်း လက်စုံ စားရ၍ ထင်သည် ။ စားလို့ မြိန်လှသည် ။
သူမအတွေးထဲမှာ သူငယ်ချင်းတစ်ယောက် ဂျီတော့ custom message မှာတင်ထားသော စာလေး တစ်ကြောင်းကို သွားသတိရသည် ။
“ မိသားစု ထမင်းဝိုင်းလောက် ဘယ်ကောင်းကင်မှ ကြယ်မစုံဘူး ” ဟူသော စာသားလေးပင် ဖြစ်သည်။
ထမင်းစားပြီးတော့ ၀ယ်လာသော မုန်တွေနှင့် အတူ သူမပိုက်ဆံအိတ်ထဲမှ ပိုက်ဆံ သုံးသောင်းထုတ်ပြီး အဘွားအိုအား ကန်တော့ခဲ့သည် ။
“ အေးကွယ် ခုလို ကြီးသူကို ရိုသေစွာ ကန်တော့ခြင်း ၊မရှိဆင်းရဲသူကို ပေးကမ်းခြင်းတို့ကြောင့်ဖြစ်လေရာ ဘ၀တိုင်းမှာ မိသားစုနဲ့အတူ စိတ်၏ ချမ်းသာခြင်း ကိုယ်၏ ချမ်းသာခြင်းတို့နဲ့ အတူ မကြောင့်မကြ မတောင့်မတ တဲ့ ဘ၀လေးကို အမြဲပိုင်ဆိုင်နိုင်ပါစေကွယ် ”
အဘွားအိုရဲ့ ဆုပေးစကား အဆုံးမှာ သူမရဲ့ မျက်ဝန်းမှာ မျက်ရည်စတွေ စိုစွတ်လာသည် ။
“မိသားစုနဲ့ အတူတဲ့လား အဘွားရယ် ”
@@@@@@@@@@@@@@@@@@@@@@@@@@@@@@@@@
အိမ်အပြန် လမ်းတစ်လျှောက်တွင်တော့ သူမ အတွေးတွေ များလာခဲ့သည် ။ သူမဘ၀သည် ချစ်ညွန့်တို့ မိစုတို့ မြေးအဘွားလောက်ပင် ပျော်စရာ မရှိ ။အဖေနဲ့အမေကလည်း စီးပွါးရေးဘက်ပဲ အာရုံစိုက်နေကြသည်။ သူမကို ပစ်ထားသလို ဖြစ်နေတာကို သတိမှ ရကြပါလေစ မသိ ။ အစ်ကိုတွေကလည်း သိပ်ချစ်လှပါသည် ဆိုသော သူမကို သူတို့ မိသားစု အရေးလောက် အလေးမပေးနိုင်ကြတော့ ။ တစ်နေ့လာလည်း အိမ်ထဲမှာ ။ တစ်နေ့လာလည်းအိမ်ထဲမှာနှင့် နေရသော သူမဘ၀ အတွက် ဘာကိုပင် အပြစ်တင်ရမည်နည်း ။
သူမကို ပစ်ထားသော အစ်ကိုတွေကိုလား ။သူမကို အလုပ်ထွက်မလုပ်ခိုင်းသော မိဘနှစ်ပါးကိုလား ။ တော်ရုံကိစ္စနဲ့ အပြင်မသွားချင်သော သူမကိုယ် သူမလား ။ အတွေးတွေနှင့်သာ ခြာခြာလည်နေတော့သည်။ အိမ်ရောက်တော့ လူရော စိတ်ရော ပင်ပန်းနေပြီ ။
“ သမီးနောက်ကျတယ်နော် ”
အမေက ဆီးကြိုပြောတော့ သူမ အံ့သြရပြန်သည် ။ သူမ အပြင်သွားပြီး ပြန်လာသည့် အခါတိုင်း အမေသည် ဆီးကြို နှုတ်ဆက်ခြင်း မရှိပါ ။ ဒီနေ့တော့ ထူးထူးဆန်းဆန်း ဆီးကြိုနေသည်မှာ သူမအတွက် အံ့သြစရာပင် မဟုတ်ပါလော ။
“ ကဲ အ၀တ်အစားလဲပြီး ထမင်းစားခန်းကို လာခဲ့နော် သမီး ။ အမေတို့ စောင့်နေမယ် ”
အမေတို့ ။ ဒီစကားလေးကို သူမ သတိထားလိုက်မိသည် ။ အမေတို့ဆိုတော့ အမေတစ်ယောက်တည်း မဟုတ်ဘူးပေါ့ ။ အဖေရောပေါ့ ။ သူမ အ၀တ်အစား အမြန်လဲပြီး ထမင်းစားခန်းဆီကို လှမ်းလာခဲ့သည် ။တကယ်တော့ သူမ မဆာပါ ။ သို့သော် အမေရဲ့ပြောစကားတွေက ထူးဆန်းနေသည်ဟု ထင်သောကြောင့်သာ သူမလာခဲ့ခြင်းဖြစ်သည် ။
“ ဟင် ”
ထမင်းစားခန်းထဲသို့ ၀င်လုလု သူမခြေလှမ်းများ တန့်သွားသည် ။ ထမင်းစားခန်းထဲမှ မျက်လုံး ဆယ်လုံးက သူမကို ကြည့်နေကြသည် ။
“ လာလေ သမီး ၊ ဒီနေ့ အမေတို့ မိသားစု ထမင်းလက်ဆုံ စားချင်လို့ သမီး အစ်ကိုတွေကိုပါ
ခေါ်လိုက်တာ ။ အမေတို့ မိသားစုလည်း လက်ဆုံမစားရတာ ကြာပြီလေ ။ သမီးဖုန်းကို လှမ်းဆက်ဖို့ စိတ်ကူးသေးတယ် ။ ဒါပေမယ့် သမီးကို အံ့သြ ၀မ်းသာစေချင်လို့ တမင်မဆက်တာ။ဒီမှာ သမီးအကြိုက်တွေချည်းပဲ ချက်ထားတာ ”
အမေ့စကားဆုံးတော့ အဖေကပါဝင်ပြီး ထောက်ခံပြောဆိုသည် ။
“ ဟုတ်တယ် သမီး ။ သမီး နေ့တိုင်း အိမ်ထဲမှာနေရတာ ငြီးငွေ့နေတယ်ဆိုတာ အဖေတို့ သတိထားမိပါတယ်။ နောက်ပြီး အဖေတို့ မိသားစု အတူနေချိန်တွေ နည်းနေတယ် ဆိုတာကိုလည်း အဖေသိပါတယ် ။ဒါကြောင့် ဒီနေ့ကနေ စပြီး ညတိုင်း ညတိုင်း ညစာကိုတော့ အဖေတို့ အတူတူစားကြမယ်နော် ။ သမီးအစ်ကိုတွေလည်း တပတ်ကို အနည်းဆုံး တစ်ခါတော့ လာကြပါလိမ့်မယ် ”
အဖေ့စကားဆုံးတော့ အစ်ကိုတွေက သူမကို ခေါင်းငြိမ့်ပြီး ပြုံးပြသည် ။သူမ ထမင်းဝိုင်းနားသို့ လျှောက်သွားပြီး ကြည့်လိုက်သည် ။ အားလုံးက သူမအကြိုက်တွေချည်းဖြစ်သည် ။ အစ်ကိုသုံးယောက်နှင့် အဖေကတော့ သူမကို ပြုံးပြုံးကြီး ကြည့်နေသည် ။
“ ဒီလိုဆိုတော့လည်း သူမတို့ မိသားစုက ပျော်စရာကောင်းပါလား ” ဟု စိတ်ထဲမှတွေးနေမိသည်။သူမကို ဂရုမစိုက်ဘူးဟုထင်သော အဖေနဲ့ အမေ။ သူမကို အချစ်ပေါ့သွားသည် ဟု ထင်သောအစ်ကိုတွေ .၊
သူမ၏ ရင်ထဲတွင် တစ်ဆို့ဆို့ ကြီး ခံစားနေရသည် ။ဟင်းခွက်တွေကို တစ်လှည့် အဖေ ၊ အမေနှင့် အစ်ကိုတွေကို တစ်လှည့် ကြည့်ပြီး သူမ အမေ့ရဲ့ ရင်ခွင်ထဲကို ပြေးဝင်ပြီး ငိုချလိုက်မိပါတော့သည် ။ ငိုရင်းမှ ကဗျာလေးကို သူမ တိုးတိုး ရွတ်မိသည် ။
မခမ်းမနား ၊ မဆန်းပြားလည်း
စွမ်းအားပြည့်စုံ ၊ မွှေးနံ့ထုံသည်
လက်ဆုံခင်းသည့် ထမင်းဝိုင်း ။
အမေ့ရင်ခွင်ထဲမှ ထွက်ကာ ထမင်းဝိုင်းကို သူမ ၀င်ထိုင်လိုက်တော့ အားလုံး မျက်ဝန်းမှာ ကြည်းနူးမှ အရိပ်တွေ ယှက်ဖြာနေသည်..။သေချာပါသည်..။သူမရဲ့ ကောင်းကင်မှာ ကြယ်တွေ စုံခဲ့ပြီ ဖြစ်သည် ။။။။။။။
ကြိုးစားပါဦးမည်.......။
သိပ်ကောင်းတယ်ဗျာ....
ReplyDeleteကျုပ်ကိုယ်တိုင်တောင် ဖတ်နေရင်းနဲ့ မျက်ရည်ဆို့မိတယ် တိုက်ဆိုင်မှု့တွေကြောင့်ထင်ပါရဲ့ အဲလိုထမင်းဝိုင်းနဲ့ ဝေးနေတာ ဘယ်လောက်
ကြာနေပြီဆိုတာတောင် မရေတွက်နိုင်တော့ဘူးလေ အခြေအနေနဲ့ အချိန်အခါပေါ့ဗျာ။
ကျွန်တော် ကိုယ်တိုင်လည်း ဝေးနေတာလေ..။ ဆရာဘုန်းနိုင် စာအုပ်ထဲက စာတစ်ကြောင်း သွားသတိရတယ်။ ငါ့သီချင်း နားထောင်ပြီး လူတွေ စိတ်ထိခိုက်ရင်.. ငါစိတ်ချမ်းသာတယ်ကွယ်..´ လို့ ဆိုသလို.. အစ်ကို မျက်ရည်စို့တယ်ဆိုရင်.. ကျွန်တော့်မှာလည်း ကိုယ်ရေးတဲ့စာအတွက် ပီတိဖြစ်ရပါတယ်ဗျာ။
Deleteမခမ်းမနား ၊ မဆန်းပြားလည်း
Deleteစွမ်းအားပြည့်စုံ ၊ မွှေးနံ့ထုံသည်
လက်ဆုံခင်းသည့် ထမင်းဝိုင်း ။
အဲဒီထမင်းဝိုင်းကို ကျနော်လည်း ဝေးနေတာပဲလေ
ကျနော်မျှော်လင့်နေမိတာ အချိန်တိုင်းပဲဗျ
ဒါပေမယ့်ဖြစ်မလာနိုင်တော့ပါဘူးလေ..။