လွမ်းမိပါသေးတော့

မြတ်စွာဘုရားရှင်က ရတနသုတ်တော်တွင် “ ဂိမှာနမာသေ ပထမသ္မိံ ဂိမှေ ၊ တထူပမံ ဓမ္မ၀ရံ အဒေသယိ  ” ဟူ၍  လောကုတ္တရာ အကျိုးစီးပွါးကို ဖြစ်စေတတ်သော နိဗ္ဗာန်ကို နွေလေးလတို့၏ အစ  လှပသော တပေါင်းလတွင် ပွင့်သောအဖျားရှိသည့် တောအုပ်ကဲ့သို့ အသရေရှိသော ဟူ၍  ခိုင်းနှိုင်းတော်မူခဲ့သည် ။





သာသည့်တပေါင်းလ မိန်ရာသီ ။ စာဆိုတွေ တော်တော်များများကလည်း နွေတပေါင်းရဲ့ အလှကို အထူးထူး ဖွဲ့ဆိုကြသည် ။ ပင်အိုရဲ့ ရွက်ဝါကြွေပုံကိုပင် “ လေခမြေသက် ဈာန်ဝိတတ်သို့ ” ဟု စပ်ဆိုသည် ။ ဥသြငှက်ကလေးတွေ တွန်သံကျူးတာကိုလည်း ဖွဲ့ဆိုသည် ။  ဒီလို နွေကို ရောက်ပြီဆိုလျှင်တော့ ကျွန်တော်ကတော့ ငယ်စဉ်က ဖြတ်သန်းခဲ့ရတဲ့ ဘ၀တွေကို အမှတ်ရနေမိသည် ။




ဒီလိုရာသီ ဒီအချိန်ဆိုလျှင် ရွာမှာတော့ နွားနှင့် လှည်း ပြင်နေရော့မည် ။ “ အမေရေယဉ် နတ်ပွဲ ” ဆိုတာက နှစ်စဉ်နှစ်တိုင်း တပေါင်းလပြည့်ကျော် တစ်ရက်နေ့မှ ကိုးရက်နေ့အထိ  ကျင်းပသည် ။ ရွာတွေ တော်တော်များများက နှစ်စဉ်နှစ်တိုင်း လှည်းတန်းကြီးများ ထွက်လေ့ရှိကြသည် ။ တောင်သူလယ်လုပ် သူများမို့ ဦးကြီးတွေ အစ်ကိုတွေ ကတော့ ရောက်တာနဲ့ ထွန်သံ ၊ ထွန်ကိုင်း ၊ လှည်းဝင်ရိုး ၊ လှည်းဆံ ၊ အစရှိသည်များ ၀ယ်ဖို့ ထွက်တတ်ကြသည် ။ အဒေါ်တွေကတော့ ချက်စရာ ကုန်ခြောက်များ ၀ယ်ရန် ထွက်တတ်သည် ။ ကျွန်တော်တို့ ငယ်စဉ်ကတော့ ဘာရယ်မသိ ။ လှည်းစီးရတာ ပျော်လို့ လိုက်သည် ။ ပွဲတော်ကို ရောက်လျှင်လည်း ရောက်ရောက်ချင်း  လှည်းဦးချကာ “ အမေကြီး ပွဲတော်ရောက်ပါပြီဗျို့ ” ဟု အော်ရတာက အရသာ တစ်မျိုးပင် ။




ဒါပေမယ့် ပွဲလည်ခွင့်တော့ သိပ်မရှိ ။ ကလေးဆိုတော့ အမြဲလိုလို လှည့်စောင့်ရသည် ။ အထူးသဖြင့် ကျွန်တော်တို့ အိမ်က လှည်းမရှိတော့ သူများလှည်းတွေနဲ့သာ လိုက်ရသည် ။ ဒီတော့ သူတို့က ခေါ်မှသာ အတူလိုက်ပြီး ပွဲခင်း လျှောက်လည်ရသည် ။ ဒီတုန်းကတော့ ဘာရယ်မသိ ။ ကလေးဆိုတော့လည်း လူချင်းမကွဲအောင်သာ သတိထားရသည်။ အမေရေယဉ် နတ်ပွဲမှာ အထူးပေါများသည်က မန်းမရွေးပင် ။ ပေါများသည် ဆိုသော်လည်း ကျွန်တော်ကတော့ ကြည့်တာနဲ့ စားချင်စိတ်မရှိသဖြင့်  တစ်ခါမှ ၀ယ်မစားဖူးပါ ။ ပွဲတော်ရဲ့ ထုံးစံအတိုင်း အိုးပုတ် ၊ ဂျိုးရုပ်များ အပြင် ပစ်တိုင်းထောင် ရုပ်များလည်း ပေါလှပေသည် ။




နည်းနည်း အရွယ်ရောက်လာတော့ ဦးလေးနှင့်အတူတူ ဘက်ကျလာတဲ့ ကျွန်တော်က လှည်းကို ဦးလေးကို မမောင်းခိုင်းတော့ ။ ကျွန်တော်ကိုယ်တိုင် မောင်းသည် ။ကျွန်တော်တို့ ရွာကတော့ လပြည့်ကျော် ငါးရက်ညမှာ ထွက်လေ့ရှိသည် ။ ညဆယ်နာရီခန့် လကလေးအထွက်မှာမှ ဖြည်းဖြည်းနှင့် မှန်မှန်သာ ထွက်ကြလေ့ရှိသည် ။ ညပေမို့ လှည်းပြိုင်မောင်းတာ သိပ်မရှိ ။ လသာသာအောက်မှာ လှည်းတန်းရှည်ကြီးက တစ်မျိုးလှပနေသည် ။ နွားတွေမှာ မြိုင်မြိုင်ဆိုင်ဆိုင် ဆွဲထားသော ချူသံများက ညရဲ့ သဘာဝ တေးဂီတများသဖွယ် နားထောင်လို့ပင် ကောင်းသေးတော့သည် ။




ပွဲတော်ကို ရောက်ပြီ ဆိုပြန်လျှင်လည်း လှည်းချွတ်ပြီးတာနဲ့ ရွယ်တူ သူငယ်ချင်းများစုကာ လျှောက်လည်သည် ။ရုပ်ရှင်ကြည့်သည် ။ သုံးကား တစ်ရာဟု ကြော်ငြာသည်များကို ညနက်မှ မိုးလင်းအောင်ထိ ထိုင်ကြည့်ဖူးသည် ။နောက် အကြော်စားသည် ။ငယ်ငယ်တုန်းကလို လှည့်စောင့်တာ သိပ်မရှိ ။ စုထားတဲ့ ပိုက်ဆံလေးနဲ့ ၀ယ်ချင်တာ လိုက်ရှာသည် ။ ထိုစဉ်က ကျွန်တော် အထူးလိုချင်သည်က တံစဉ်ကောင်းကောင်း ဓားကောင်းကောင်းပင် ။ နွေရောက်ပြီ  ဆိုတော့ ထန်းသီးတွေ ပေါသည်မို့ ဓားကောင်းကောင်း ကိုင်ချင်သည် ။




တစ်ညလုံး ၀ယ်စရာရှိတာ ၀ယ်ကြ ခြမ်းကြပြီးလျှင်တော့ မနက် ဆယ်နာရီ ၊ ဆယ့်တစ်နာရီခန့်လောက်မှာ  ပြန်တတ်သည် ။ ပြန်ရာမှာတော့ အလာတုန်းကလို လှည်းသိပ်မများပါ ။တစ်ချို့ကလည်း ရေချိန်လွန်နေပြီး နတ်နန်းမှာ ပျော်နေသဖြင့် မပြန်နိုင် ။  တစ်ချို့ကလည်း ၀ယ်စရာ မစုံသေးသဖြင့် မပြန်နိုင်ကြခြင်းပင် ။ ဒါပေမယ့် ပွဲတော်ကနေ လွန်လာပြီဆိုတာနဲ့ ကိုယ့်ရွာ လှည်းတန်းတင် မဟုတ်ပဲ တခြားရွာက လှည်းတန်းကြီးတွေပါ တွေ့ရသည် ။ ထို့အပြင် ယနေ့မှ လာသော အခြားရွာမှ လှည်းတန်းတွေနှင့်ဆိုတော့ ကွင်းပြင်ကျယ်ကျယ်မှာ လှည်းတွေက ဟိုမှ ဒီ ၊ ဒီမှ ဟို ၊ စုန်ဆန်လျှက်ပင် ။ အပြန်ခရီးမို့ ၀န်ပါသော်လည်း ကွင်းပြင်ကျယ်ကျယ် ရောက်လျှင်တော့ သူသူ ကိုယ်ကိုယ် မနေနိုင် ။ လှည်းပြိုင်မောင်းချင်တဲ့ ဇောလေးက ကြွလာသည် ။




“ ဟ....ဖေ့သား လုပ်ထားဟ ဟေးဟေးးးးးးးး ”      ဟု သူရော ကိုယ်ရော အော်ကာ လှည်းပြိုင်မောင်းကြသည် ။ နွေရာသီပေမို့ ဖုန်လှိုင်းတွေက တလိမ့်လိမ့် ။အဲ့ဒီ တလိမ့်လိမ့်ကြားမှာမှ သူသာနိုး ကိုယ်သာနိုး  အပြိုင်မောင်းကြသည် ။ မှတ်မိပါသေးသည် ။တစ်ခါက ကျွန်တော်နှင့် လှည်းပြိုင်မောင်းသော ဦးကြီးပေါက် လှည်းနံစောင့်  ကျိုးထွက်သွားသဖြင့် လှည်းဘီးကြီးက တခြား ၊ လှည်းဘီးတစ်ဘက်တည်းရှိသော လှည်းကြီးက တခြား  စင်ထွက်သွားသည် ။ တစ်ချို့ကတော့ ကိုယ့်လှည်းရှေ့ကရောက်စေရန် နွားကန် ( နွားနှင်တံ ) ထိပ်မှာ သံချွန်တပ်ကြသည်။ ကျွန်တော်ကတော့ ကိုယ့်နွားတွေကို အဲ့လောက်တော့လည်း မရက်စက်လိုပါ ။ ညကတည်းက ထွက်လာတာ နောက်နေ့ညနေလောက်မှ ကိုယ့်ရွာပြန်ရောက်တာ ဆိုတော့ ကြားထဲမှာ နွားတွေကို အစာကျွေးရခဲသည် ။ ကျွန်တော်ကတော့ ပွဲတော်နီးလာလျှင် ကုက္ကိုသီးခြောက်တွေ ကောက်ပြီး စုထားလေ့ရှိသည် ။ပွဲတော်ရက်မှာ ကျွေးဖို့ရန် ဖြစ်သည် ။

                                                   
                                          xxxxxxxxxxxxxxxxxxxxxxxxxxxxxxxxxxxxxxxxxxxx

ခေတ်ကြီးက အရှိန်အဟုန်ပြင်းစွာ ဆက်လက်စီးဆင်းနေသည် ။  ခေတ်ရေစီးရဲ့ အရှိန်အဟုန်ကောင်းကောင်း စီးဆင်းမျောပါမှုများကြားမှာ ယခုအခါတော့ အရင်လို မဟုတ်တော့ပြီ ။မနှစ်က ကျွန်တော်ပြန်တော့ ရွာကလူငယ်တွေက ဆိုင်ကယ်ကိုယ်စီဖြင့် သွားကြသည် ။ အမျိုးသမီးတစ်ချို့က ရွာထဲက ထော်လာဂျီကို အပြတ်ငှားသွားကြသည် ။ကြားလိုက်ရတဲ့ ဆိုင်ကယ်တိုက် သတင်းကလည်း နားနှင့်ပင်မဆန့် ။ ကျွန်တော့်အလိုကတော့ ဒီလိုပွဲမျိုးမှာ မမြန်ချင်လျှင်နေပါစေ ။ လသာသာမှာ လှည်းကလေးနဲ့ပဲ သဘာဝတေးဂီတကို နားဆင်ချင်ပါသည် ။

ဘာပဲပြောပြော နွေဦးလေးလရဲ့ အစ တပေါင်းလပြည့်ကျော်ရောက်တိုင်း ကျွန်တော်ကတော့ တစ်ချိန်က လကွင်းပြင်ကျယ်ကျယ်ကြီးမှာ လှည်းပြိုင်မောင်းရတာလေးကို လွမ်းမိပါသေးတော့သည် ......။


ကြိုးစားပါဦးမည် ။        ဆန္ဒမွန်ဖြင့်....။ လွမ်းနောင်