တန်ဆောင်ညရဲ့ မောဧကရီ ( အပိုင်း ၂ )

                                                                      ( ၂ )

                                         “ ဘ၀ငွေကြယ်စင် ”

ခွန်နောင်တို့ မောင်နှမသုံးယောက်နှင့် ကျွန်တော် ၊ မမနွယ်တို့မှာ တန်ဆောင်တိုင် ပွဲတော် တစ်လျှောက်လုံးပင် အတူတူလည်ဖြစ်ကြသည်..။ ထိုအတော အတွင်းတွင် မမနွယ်နှင့် ကျွန်တော်မှာလည်း
ရင်းရင်းနှီးနှီး ဖြစ်သွားသည်..။ သူတို့အတွက်တော့ ဘယ်လိုနေလဲမသိ..။ ကျွန်တော့်အတွက်မူ ထိုရက်များသည်. အပျော်ဆုံးရက်တွေ ဖြစ်ခဲ့သည်..။ တန်ဆောင်တိုင် ပွဲပြီူးသော်လည်း ကျွန်တော့်မှာ မပြန်နိုင်ပဲ ဖြစ်နေသည်.။ ခွန်နောင်တို့ကတော့  “ ပျော်သလောက်သာ နေ ” ဟု ပြောရှာသည်..။

ကောင်းကင်သရုပ်

ကလေးကစားသလိုကနေ စခဲ့ပေမယ့်

အသွေးအသားထဲကနေ တည်ဖြစ်

ငါတို့ရဲ့ ဒီအချစ်တွေက မင်းထင်ထားတာထက်

ပိုတယ်....သူငယ်ချင်း....။

ဗရုတ်ဗရက်နဲ့

လုပ်ဇာတ်တွေခင်း

အရှုတ်ဇာတ်တွေ သွင်းလို့

မဟုတ်မဟတ် အဖျင်းတွေကို

ပုတ်ခတ်ကာ မင်းအတင်းဆိုလည်း

ငါတိုတွေကတော့

ဟောဒီကောင်းကင်အောက်ကနေ

နှုတ်ထွက်ကာ အချင်းချင်းရန်လိုတာတွေ

ဖြစ်လာမှာ မဟုတ်ဘူး သူငယ်ချင်း..။

အပလီအတင်းများနဲ့

မသတီစရာ မင်းစကားတွေက

အချင်းများစရာ ဆိုပေမယ့်

လိုနေတဲ့ ကွက်လပ်ကိုဖြည့်တတ်တဲ့

တို့တွေအတွက်တော့

မင်းအပြောတွေက

မင်းမောတာပဲ အဖက်တင်လိမ့်မယ် သူငယ်ချင်း..။

ဒီမှာ သူငယ်ချင်း.....

မင်းအမြင်မှာ ငါတို့ပေါချင်ပေါနေမယ်

မင်းအမြင်မှာ ငါတို့ကလေးဆန်ချင်ဆန်မယ်

ဒါပေမယ့် မင်းသိဖို့ပြောချင်တယ်..။

ငါတို့တွေရဲ့ အကြောင်းကို ဂုဏ်မဖွဲ့ချင်ပါဘူး

ကြုံခဲ့လိုဝင်လာသူတွေ သိမှာပါ..။

ငါတို့တွေဟာ ဟန်ပန်တွေမရှိ

ဒေါသမာန်တွေမရှိ

အသိသတိတွေထဲမှာ

ရှိ.ရှိနေမြဲအရာက

စာနာခြင်းသဘောတရား

စည်းလုံးခြင်းအင်အား

ညီညွတ်ခြင်း အသိတရားတွေ

ဦးခိုက်နေတဲ့ ဟောဒီကောင်းကင်ထဲမှာ

မင်းအနေနဲ့

ဒေါသတအားကြီးပြီး

သွားဖြီးပြမနေနဲ့

ငါတို့က

                                                ၀ါးအစည်းပြေမှာမဟုတ်ဘူး

ဆန္ဒမွန်ဖြင့်.........လွမ်းနောင်.။

တန်ဆောင်ညရဲ့ မောဧကရီ ( အပိုင်း ၁ )

ရောက်လာပြန်ပါပြီ....။ ဒီရာသီနဲ့ ဒီအချိန်.....။ ရှောင်လွှဲလို့မရတော့လည်း ခက်သည်..။ အတိတ်တစ္ဆေကကျွန်တော့်ကို ချောက်လှန့်နေဆဲ........။ မေ့ပျောက်သင့်ပြီ ဖြစ်ပေမယ့် ဒီအချိန်ရောက်ရင် စိတ်တို့က ကဆုန်စိုင်းသည့် မြင်းရိုင်းနှယ်...။ ချုပ်ထိန်းလို့မရ .။ အကွပ်မဲ့ကြမ်းပမာ .၊ ပရမ်းပတာ ဆန်လွန်းသည်....။ကျွန်တော့်ကိုယ် ကျွန်တော် ရင့်ကျက်ပြီ ဟု ထင်သမျှ ဒီအချိန်ကျရင်တော့ သဲထဲရေသွန် အထင်တို့ မှောက်မှားကုန်၏ .....။ တန်ဆောင်မုန်း.....၊ တန်ဆောင်တိုင်.....။ရွှန်းဖိတ်လွန်းတဲ့ လမင်း ၊ ငွေနှင်းကတော့

မှုန်မှုန်ကျနေသည်..။ ဟိုတုန်းက..........အင်း.......ဟိုစဉ်တုန်းက...ဒီအချိန် ဒီရာသီပင်ဖြစ်သည်........။



.xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

အထီးကျန် ပန်းတစ်ပွင့်ရဲ့ ရင်တွင်းသံစဉ်

ရှင့်ကိုကျွန်မ  ၊ သိပ်ချစ်လှလည်း
ဘ၀ခြားနား ၊ မိန်းမသားမို့
ပန်ကြားနှုတ်လွှာ ၊ မဖွင့်သာဘူး
ရင်နာနေလျှက် ၊ကွယ်ဝှက်မျိုသိပ်
အချစ်စိတ်ကို ၊ တိုးတိတ်ရင်မှာ
သိမ်းထားပါသည်.၊ မြင်ပါလှည့်ဦး.....
.......သခင်.....။

သူက ကိုယ့်ကို ၊ချစ်ရေးဆို၍
ခွန်းချိုနှုတ်စ ၊တူပျော်ရအောင်
ဘ၀တိုက်ပွဲ ၊ အတူနွှဲအောင်
လက်တွဲကာသာ ၊ခေါ်ဆောင်ပါလည်း
မကြင်နာသူ ၊မချစ်သူ မို့
သူရည်မျှော်မှန်း ၊အချစ်နန်းကို
စံမြန်းလိုဘူး ၊ရူးတယ်ဆိုဆို
ကိုယ်မလိုမို့ ၊ခေါင်းကို တွင်တွင်
ယမ်းမိသည်..။

ကွယ်.............
တို့မိန်းမသားဘ၀ ၊ခက်လွန်းလှချည့်
ကိုယ်ကယိမ်းချင် ၊သူမငင်ခဲ့
ငင်သူကို ကျ ၊ကိုယ်ကမယိမ်း
စိမ်း၍ မကြင် ၊မချစ်ခင်မို့
ရင်နာနေလျှက်..၊ကမ်းလက်ကိုခွါ
ပင်ယံမှာပင် ၊ပွင့်လွှာအတိုင်းသာ
ပျော်တော့မည်.....။

                                             ဆန္ဒမွန်ဖြင့်.....လွမ်းနောင်..။

အပြင်စီး မဂ္ဂဇင်း ( နိုဝင်ဘာ- ၂၀၁၁ )

သစ္စာတရား

ကျုပ်ရဲ့ ပတ်ဝန်းကျင်မှာ မြွေပွေးတို့ ၊အနာကြီးရောဂါတို့ ၊ ဒါမှမဟုတ် တယောသံနွဲ့နွဲ့လေးတို့
တွေ့ရ ကြားရတိုင်း ..ကျုပ်ကတော့ တစ်ချိန်က ကျုပ်ရဲ့ အချစ်ဆုံး သူငယ်ချင်း ငတင့်ကြီးကို
ပြေးမြင်နေမိတော့တာပါပဲ….။ကြာတော့လည်း ကြာခဲ့ပါပြီ…၊ ဒါပေမယ့် အဖြစ်အပျက်တွေက
ပြန်စဉ်းစားလိုက်တိုင်း ကွက်ကွက်ကွင်းကွင်း ရှင်းလင်း ပြက်သားနေဆဲပါပဲ……။။

ဒုတိယအကြိမ် မွေးဖွားခြင်း

“ ၀ုန်း ”
“ မလုပ်ဘူး..မလုပ်နိုင်ဘူး...ငါဘယ်တော့ ဒီလိုလုပ်မှာမဟုတ်ဘူး ”

ကျုပ်ရဲ့ ရင်ကို “ ၀ုန်း” ကနဲ လာမှန်တဲ့ အသံနဲ့အတူ နောက်က ကပ်ပါလာတဲ့ အသံတွေကိုပါ ကြားလိုက်ရတာမို့ ကျုပ် လန့်ပြီး နိုးသွားတယ် ။ အဲ.....နိုးတယ်.........။ ဒီစကား တယ်တော့ မမှန်လှဘူး...။ဘာလို့လဲဆိုတော့
ကျုပ်က အိပ်မှ မအိပ်တာ ဘယ်လိုလုပ် နိုးတယ် ဆိုတာ ရှိမှာလဲ....၊ဒီတော့ ကျုပ် သတိဝင်လာတယ်ပဲ ဆိုပါတော့.။
ကျုပ် ကမန်းကတန်း ကြည့်လိုက်တော့...ကျုပ်ကို သိပ်ချစ်တဲ့သူနှစ်ယောက် ..။ တစ်ယောက်ကတော့ ဒေါသတွေ
ထွက်နေတဲ့ မျက်နှာနဲ့ .မျက်ဝန်းမှာလည်း မျက်ရည်စတွေကို တွေ့နေရတယ် ၊ ကျန်တစ်ယောက်ကတော့
မျက်နှာက မှုန်မှုန်မှိုင်းမှိုင်း ။တူညီတဲ့ အချက်ကတော့ သူတို့နှစ်ယောက်လုံးရဲ့ မျက်နှာမှာ ကြေကွဲဆို့နင့်နေတဲ့
အရိပ်တွေ ဖြာထွက်နေတာပါပဲ.....။